Warbixin Kooban oo Ku Saabsan Ururka UBAD
Bayaanka asiga oo ah PDF halkaan aa ka akhrisan kartaa
Taariikhda Asaaska:
Ururka Barbaarta Aayaha Dalka (UBAD) waxaa la aasaasay 31 Janaayo 2024, si rasmi ahna loo daahfuray 23 Agoosto 2024. UBAD waxa uu u taagan yahay mideynta, wacyigelinta iyo horumarinta dhalinyarada Soomaaliyeed, isagoo si gaar ah diiradda u saaraya la dagaallanka qabiilka iyo kor u qaadidda wacyiga bulshada.
Ujeeddooyinka Ururka:
- Hormarinta waxbarashada, xirfadaha iyo farsamooyinka dhalinyarada.
- Wacyigelinta bulshada ee la dagaallanka qabyaaladda.
- Taakuleynta dadka baahiyaha gaarka ah qaba iyo shaqo abuurka dhalinyarada.
- Kordhinta doorka dhalinyarada ee dib u dhiska dalka.
Hawlaha Socda:
- Xulista shaqaale aqoon leh, furitaanka website iyo podcast.
- Wacyigelinta bulshada, tirakoobka xubnaha, iyo tababaro kor loogu qaadayo aqoonta xubnaha.
- Wada shaqeyn la leh ururo kale gudaha iyo dibadda.
Waxqabadkii Hore:
- Dajinta sharciyada ururka iyo xeer-hoosaadyada.
- Sameynta faracyo iyo kooxo wacyigelin gudaha Soomaaliya iyo dibadda.
- Ololayaal waxbarasho iyo wacyigelin oo ballaaran oo lagu qabtay baraha bulshada iyo gudaha dalka.
Maamulka iyo Anshaxa:
- Ururka wuxuu leeyahay sharciyo adag oo lagu hago dooda, xubinnimada, waxqabadka, iyo anshaxa xubnaha.
- Waxa la aas-aasay waaxda garsoorka iyo waaxda arrimaha gudaha oo maamusha anshaxa xubnaha.
Gabagabo:
Ururka UBAD waxa uu furan yahay dhammaan dhalinyarada Soomaaliyeed ee aamisan wadajirka, horumarka iyo sare u qaadista dalka iyo dadka Soomaaliyeed.
Xiriirka:
Fariimaha iyo talooyinka waxaa lagu soo diri karaa email: [email protected]
